Pidato
Bahasa Jawa Gotong Royong
Assalamu’alaikum
warrohmatullohi wabarokatuh
Dhumateng Dewan
Juri
Dhumateng Bapak
lan Ibu guru
Lan dhumateng
rencang sedaya ingkang kinurmatan
Bapak/Ibu Guru
lan kanca kanca ingkang kinurmatan
Monggo kita sesarengan
ngunjugake puja lan puji syukur marang Gusti Allah SWT amargi sampun maringi
berkah lan karunia. Saengga kita sedaya saget makempal sesarengan kanti sehat
wal afiat. Aamin Aamiin Ya Rabbal ‘alamin
Salajengipun,
sholawat salam mugi-mugi tansah kaaturaken dhumateng Nabi Agung Muhammad SAW,
sumrambah dhumateng kulawarganipun, sahabatipun, saha pandherekipun. Mugi-mugi
kula panjenengan sedaya pikantuk syafaat ing Donya saha akhirat. Aamiin
Para rawuh
Gotong royong
utawi kerja bakti meniko salah setunggal perkawis ingkang sae, amargi ing
kegiatan gotong royong kapupuk roso kebersamaan lan toleransi antarane warga.
Masyarakat Indonesia dikenal remen tetulung. Salah setunggale bukti pakulinan
sae ingkang diduweni tiyang Indonesia, inggih meniko wonten e budaya gotong royong.
Budaya gotong
royong nggadahi nilai-nilai positif, pramila kedah dipun lestareaken. Mawi
budaya gotong royong, kita saget ningkataken raos persatuan lan kesatuan
tumrape badan-badan ing saklebetipun lingkungan masyarakat. Wonten e tulung
tinulung, ingkang mbentuk raos persatuan lan kesatuan. Salajengipun, bilih
wonten kajibahan ingkang awerat saget ditandhangi kanthi gotong royong saengga
kacipta kerukunan antar masyarakat sansoyo raket.
Kagem tuladha,
pas wonten bencana alam, saben tiang ngempalaken dana lan sami mbenahi sarana
ingkang risak sarta paring pambyantu marang pihak keamananan madosi para
korban. Para warga lajeng sigap maring pambyantu tiang ingkang mbetahaken
pitulungan. Sarana sesarengan sedanten hawa rubeda saget dipun rantasi.
Poro rawuh,
Monggo kita
ngawiti sedanten perkawis meniko saking badan kita piyambak, dipunlodangke sekedik wekdal kagem srawung
wonten ing lingkungan masyarakat. Sumonggo kita lajengaken lan kita rembakaaken
warisan budaya ingkang adiluhung supados kita saget ngadepi globalisasi ing
saat menika.
Wusananipun,
mangga kita saget mendet kesimpulan, bilih gotong royong meniko budaya
adiluhung saking bangsa Indonesia. Gotong royong meniko ageng sanget manfaat e,
antawisipun padamelan dados linangkung enteng, padamelan linangkung cepet, saha
ngrumaketaken raos persatuan lan kesatuan.
Cekap sementen
ingkang kula aturaken, mbok bilih wonten klenta klentunipun kula nyuwun
pangapunten.
Wassalamu’alaikum
warrohmatullohi wabarokatuh.